قصه محرجه

السلام عليكم

مع قلة الوافدين لمودونتى فكرت كتير انى مش اكمل خالص الموضوع ده بس وجدت مدونات كتير كده فى البدايه وبعد ما انتهت عزيمتى اتجددت بعد ما جالى اول تعليق قولت يبقى كده هاتبدا تتعرف وسط المدونات الاخرى المهم ربنا يسهل.

انا حبه النهارده افضفض عن حاجه حصلت لى وبجد زعلانه جدا منها انا بصراحه علاقتى بالفيس بووك صفر ماليش اى معرفه بيه حتى عملته للعلم بالشىء ليس الا المهم ان امبارح دخلت اشوف ايه الاخبار لانى بقالى كتير مش دخلت عليه وبعدين قولت استعين بصديقه ادعيت انها على معرفه جيده بيه وقالت لى اشوف الفيس بوك بتاعك واشوف زمايلك المهم انا وافقت وسبتها وقومت اشوف شغلى رجعت لاقيتها عملت اضافه لاثنين وقالت لى هما اللى ضافوكى اكتشفت انها هى اللى ضافتهم واكتشفت كمان ان واحد منهم مدون ومعروف كمان بصراحه انا اتكسفت اعمله حذف لانى بحترمه جدا وحاولت افهمه ان اضافتى ليه كانت عن طريق الخطا وكمان قولت اطلب مساعدته لاحياء مدونتى الميته لانه عنده الخبره الكفايه وهو فى البدايه استوعب الموضوع بس بعد ذلك  وجدته هو اللى بيطلب انى امسحه اد ايه ده محرج كمان كان صدمه ليا لانى كنت متخيله انه بيساعد الاخرين مش يكسفهم فعلا (مش كل اللى بيلمع بيكون ذهب)

اصعب حب

الحب من طرف واحد من اقسى انواع الحب حيث بقول البعض انه يوجد بعض انواع الحب الاخرى اكثر تعبا وارهاقا ولاكن شعور البنت انها غير مرغوب فيها ومن اى شخص من الشخص الذى تريده ان تبدأ وتنهى حياتها معه ويرفض الشخص الاخر الاستسلام لفكرة الحب او الارتباط انه فعلا اصعب انواع الحب ان تكون وحدك ويكون اكثر الما عندما يرفض القلب والعقل النسايان ويظل الطرف المحب يدور في دوائر مفرغة من المشاعر الواهية المختَلَقة و تنتهي هذه الحالة في كثير من الأحيان إما بكارثة حين يتغلب عقل الإنسان الواعي على قلبه المريض ويدرك حقيقة الأشياء 0

والاكثر الما عندما تقوم البنت بطريقه غير مسؤله وخاطئه وهى الاعتراف للشاب بحقيقة حبها له وهو يظهر مدى تضامنه معها ولكن يخلق اوهام زائفه انه مرتبط اوانه غير قادر وايضا يقوم بمعاملتها كما السابق لا اختلاف ولكنه فى قرار نفسه سعيد ومسرور ان البنات تحبه وتستعطفه ليرحم حبها وايضا مثل بعض البنات التى تفرح عندما تجد اكثر من شخص يحبها ولكن الاكثر صعوبه رفض البنت تلك الحقيقه الواضحه.